ບໍລິສັດ Meidea Full Service ສ້າງຕັ້ງຂຶ້ນໃນເດືອນພຶດສະພາ ປີ 2009 ໂດຍທ່ານ ໄຊຍະສອນ ປັນຍາທິບ, ເຊິ່ງໄດ້ເລີ່ມຕົ້ນທຸລະກິດກັບບໍລິສັດ Panyatip Advertising ທີ່ມີຄວາມຊໍານານ ແລະ ປະສົບການໃນການຜະລິດສື່ຕ່າງໆ ຫຼາຍກວ່າ 20 ປີ.

ກ່ອນໜ້ານີ້ ທ່ານ ໄຊຍະສອນ ເຄີຍເຮັດວຽກກັບບໍລິສັດສື່ໂຄສະນາທີ່ໃຫຍ່ ຢູ່ ສປປ ລາວ ມາກ່ອນ. ນອກຈາກນີ້, ທ່ານ ໄຊຍະສອນ ເປັນຄົນທີ່ມີຄວາມມັກຮັກທາງດ້ານສິລະປະ, ການອອກແບບ ແລະ ສ້າງສັນ ແລະ ເຫັນໂອກາດໃນການຂະຫຍາຍຕົວຂອງທຸລະກິດການໂຄສະນາໃນເວລານັ້ນ. ດັ່ງນັ້ນ, ທ່ານ ຈຶ່ງໄດ້ຕັດສິນໃຈສ້າງຕັ້ງບໍລິສັດ ສື່ໂຄສະນາທີ່ໃຫ້ການບໍລິການຄົບວົງຈອນ ທີ່ຊື່ວ່າ Meidea ເພື່ອຕອບສະຫນອງຄວາມຕ້ອງການຂອງຕະຫຼາດໂຄສະນາທີ່ຕ້ອງການຄວາມຄິດສ້າງສັນ ແລະ ການຈັບກຸ່ມເປົ້າຫມາຍຂອງຜະລິດຕະພັນໃຫ້ສອດຄ້ອງກັນ. ບໍລິສັດສຸມໃສ່ສຶກສາຄວາມເຂົ້າໃຈ ແລະ ຂໍ້ມູນຂອງຜູ້ບໍລິໂພກເພື່ອເຮັດໃຫ້ແນ່ໃຈວ່າການວາງກົນລະຍຸດນັ້ນຖືກຕ້ອງ ແລະ ແທດເໝາະກັບກຸ່ມເປົ້າຫມາຍຂອງລູກຄ້າ.